Қоршаған ортаны қорғау, табиғатты аялау және азаматтардың экологиялық мәдениетін арттыру мақсатында республикалық деңгейдегі «Таза Қазақстан» экологиялық акциясы Абай ауданына қарасты Топар кентінде ұйымдастырылды.

Шараға мешіт жамағаты қатысып, тазалық жұмыстары жүргізілді. Акцияны Топар кенті мешітінің имамы Мұрсали Қаленұлы ұйымдастырды.

Ислам діні тазалық пен тәртіпті жоғары қояды. 

Осыған орай аталған игі іс қоғамда жауапкершілік пен ұқыптылық мәдениетін қалыптастыруға, жамағатқа үлгі болуға бағытталды. Акция барысында айналаны тазарту жұмыстары атқарылып, табиғатты қорғаудың маңыздылығы насихатталды.