Қарағанды облысы Шет ауданына қарасты Еркіндік ауылдық «Мұқашұлы Тұрсын» мешітінің асханасында күрделі жөндеу жұмыстары басталды. 

Жоба мешіт жамағатына қолайлы жағдай жасау және жамағаттың ортақ пайдалануына арналған асхана қызметін жаңғырту мақсатында жүзеге асырылуда.

Жоспарға сәйкес асхананың ішкі инфрақұрылымы жаңартылып, санитарлық талаптарға сай жабдықтау, ас дайындау алаңын жетілдіру және заманауи жиһаздар орнату көзделген.

Жаңарту жұмыстары аяқталған соң асхана жамағатқа жайлы әрі қолайлы қызмет көрсетіп, игілікті шаралар мен қайырымдылық бастамаларының ұйымдастырылуына мүмкіндік бермек.