Қарағанды облысы, Саран қалалық мешітінің наиб имамы Ерболат Дауржан Саран қаласының спорт мектебінің тәрбиеленушілерімен деструктивті діни ағымдардың алдын алу мақсатында кездесу өткізді.

Кездесу барысында «Жат ағымның зардабы» тақырыбында мазмұнды уағыз-насихат айтылып, қатысушыларға теріс діни идеологияның қоғамға тигізер зияны кеңінен түсіндірілді. Сонымен қатар дәстүрлі Ислам құндылықтары мен дін атын жамылған өзге ағымдардың ара-жігі ажыратылып, діни ақпаратты тек ресми және сенімді дереккөздерден алу қажеттілігі баса айтылды.

Жиын соңында қатысушылар көкейлеріндегі сұрақтарын қойып, пайдалы мәліметтер алды.