Шахан кентіндегі «Сәлкен молла» мешітінде «Той – тәрбие мен тағылымның ордасы» тақырыбында семинар өтті. Семинарды Шахтинск қалалық «Нұр» мешітінің имамы Әбілхайыр Кәсенұлы жүргізді. Іс-шараға мешіт ұжымы мен кент тұрғындары қатысты.

Семинар барысында тойдың ұлттық тәрбие мен өнегені дәріптейтін, ағайын арасындағы сыйластықты нығайтатын қуанышты басқосу екені айтылды. Имам той өткізуде салт-дәстүрдің мәнін сақтап, ысырапшылдық пен бәсекелестікке жол бермеудің маңыздылығына тоқталды.

Сондай-ақ той мәдениетін қалыптастыру, үлкенге құрмет көрсету және жастарға үлгі болатын мазмұнды шаралар ұйымдастыру мәселелері сөз болды. Басқосу қатысушыларды қуанышты сәттерді ізгілік пен әдеп аясында өткізуге үндеді.