«Ислам және отбасы құндылығы» жылы аясында Қарағанды қалалық «Қазыбек би» мешітінің имамы Асылхан Нұртайұлы жас отау иелеріне арналған «Исламдағы отбасы құндылықтары» тақырыбында тағылымды насихат айтты.

Шара барысында имам ерлі-зайыптылардың бір-біріне деген жауапкершілігі, өзара сыйластық, сабыр мен мейірімнің маңызы, отбасының тұрақтылығы мен берекесін сақтаудағы діни қағидалар жөнінде түсіндірді.

Сонымен қатар жас жұбайлардың некесі қиылып, оларға отбасы шаттығы мен берекесін тілеп, өнегелі өсиет пен ақ батасын берді.