Қарағанды облысына қарасты Бұқар жырау ауданы, Байқадам ауылдық «Ғыйзат қажы» мешітінің жас шәкірттері арасында футбол ойыны ұйымдастырылды.

Аталған шараның негізгі мақсаты – жеткіншектерді салауатты өмір салтына баулу, спортқа деген қызығушылықтарын арттыру және бос уақыттарын тиімді өткізуге бағыттау болды. Сонымен қатар, жасөспірімдер арасында достық пен ынтымақтастықты нығайту көзделді.

Футбол ойыны барысында қатысушылар белсенділік танытып, өзара ұйымшылдық пен шеберліктерін көрсетті. Тартысты өткен ойын жастарға көтеріңкі көңіл-күй сыйлап, спорттың маңыздылығын тағы бір мәрте дәлелдеді.

Шара соңында ұйымдастырушылар жас шәкірттерге алғыс білдіріп, оларды әрдайым спортпен шұғылданып, салауатты өмір салтын ұстануға шақырды.