Қарағанды қалалық «Ар-Рахман» мешітінде жастар жамағатына арналған «Жастар әдебі» тақырыбында семинар ұйымдастырылды.

Іс-шара барысында қатысушыларға исламдағы әдеп қағидалары, көркем мінез-құлықтың маңызы, қоғамдық жауапкершілік және тұлғалық қалыптасу мәселелері жөнінде жан-жақты түсіндірме жұмыстары жүргізілді. Сонымен қатар жастардың рухани тәрбиесін нығайтуға бағытталған мазмұнды насихат айтылды.

Семинардың негізгі мақсаты – жас буын арасында әдептілік пен ізгілік құндылықтарын дәріптеу, олардың рухани-адамгершілік деңгейін арттыру және қоғамдағы белсенді азаматтық ұстанымын қалыптастыру болып табылады.

Аталған іс-шара мешіттің жастармен жұмыс жүргізу бағытындағы ағартушылық және тәрбиелік жобаларының бірі ретінде жүзеге асырылды.