ҚМДБ -ның Қарағанды облысы бойынша бас имамы Әбдіғали Естай Айтуғанұлы  Қарағанды қалалық «Әл Ғаффар» мешітінің жамағатымен жүздесіп, жұма намазын өткізді.

«Ынтымақты сақтау- қоғам кепілі» тақырыбында уағыз айтқан бас имам: «Ислам діні – адамзатты бірлікке, татулыққа және бауырмалдыққа шақыратын, жүректерді жақындастырып, қоғамда өзара сыйластықты орнықтыратын дін. Дініміз адамдарды нәсіліне, ұлтына немесе жағдайына қарап бөлмей, бәрін тең көріп, бір-біріне жанашыр болуға үндейді. Бабаларымыз «Бақ қайда барасың десе, бірлігі жарасқан елге барамын, ынтымағы келіскен жерге барамын», – деп текке айтпаған. Сол демекші, бақ қонса тек бірлігі мен ынтымағы жарасқан елге қонатындығы ақиқат»,- деді.

Бас имам жұма намазынан кейін мешіт жамағатымен бірге ел амандығы мен тыныштығы үшін дұға жасады. ⠀

⠀

ҚМДБ-ның Қарағанды облысы бойынша баспасөз  қызметі⠀