«Пока не исчезло» жобасының қатысушылары Қарағанды қалалық «Әл Ғаффар» мешітіне арнайы экскурсия жасап, мешіттің рухани тыныс-тіршілігімен танысты.

Экскурсия барысында мешіт имам-ұстаздары қонақтарға Ислам сәулет өнерінің маңызды элементтері саналатын мінбер, мұнара және михрабтың мән-маңызы туралы кеңінен түсіндіріп, олардың діни әрі рухани рөліне тоқталды.

Сонымен қатар мешіт қабырғаларында көрініс тапқан Алла Тағаланың 99 көркем есімі – Әсмәул-Хусна жайында да тағылымды мәлімет беріліп, әрбір есімнің мұсылман өміріндегі тәрбиелік орны насихатталды.

Кездесу соңында қонақтар тарапынан қойылған сұрақтарға жан-жақты жауап беріліп, рухани бағыттағы әсерлі сұхбат өтті.