Қарқаралы ауданына қарасты Теректі мешітінің имамы Тұнғат Мұқанұлының ұйымдастыруымен Қуғын-сүргін құрбандарын еске алу күніне орай зираттарда тазалық жұмыстары жүргізіліп, сенбілік ұйымдастырылды. Сонымен қатар бұлақ көздері ашылып, ауыл тұрғындарының игілігі үшін тазарту жұмыстары атқарылды.

Іс-шара барысында тасаттық беріліп, елдің амандығы мен берекесі үшін дұға жасалды. Сондай-ақ мұқтаж жандарға құрбандыққа сойылған қойдың еті таратылып, қайырымдылық көмегі көрсетілді.

Аталған игі бастама – өткенді еске алу, рухани құндылықтарды дәріптеу және қоғамдағы ізгілік пен бірлікті нығайтуға бағытталды.