Ибн Абастың риуаяты бойынша, бірде оған  пақыр біреу  өз бұйымтайын айтып келеді. Мен,  «Алладан басқа тәңірдің жоқ екендігіне,  Мұхаммед Оның құлы әрі елшісі екендігіне  куәлік етесің бе?», - деп сұрадым.  Ол «Иә», - деп жауап қатты.  «Рамазан оразасын тұтасың ба?»-дегенімде, «Иә, тұтамын»,-деді. «Сен бұйымтайыңды айттың. Сені құр қол қайтармау біздің міндетіміз», дедім де, оған киім ұсындым. Сосын Алла елшісінен (с.ғ.с) естіген «Кімде-кім бір мұсылман бауырын киіндіретін болса, қашан ол берілген киімді үстінен тастағанша, Алла Тағала киіндірген адамды тікелей өз қорғауына алады», - деген хадисті айттым.