«Қамқор-Шарапат» салттық қызмет көрсету орталығының Қарағанды облысы бойынша жауапты меңгерушісі Бақдәулет Қыдырбайұлының ұйымдастыруымен Теміртау қаласындағы зиратқа қатысты бірнеше мәселе талқыға салынды.

Келелі кездесуге Теміртау орталық «Әлихан Бөкейхан» мешітінің имамы Ақниет Сәлімбайұлы және Теміртау қаласының конфессияаралық мәселелерді зерттеу және талдау орталығының директоры Нұрмаханов Нұрхан Алиұлы қатысты.

Шара барысында жерлеу рәсімдерін жаназа және жерлеу талаптарына сай жүзеге асыру, зират жерін кеңейту, зиратты зиярат ету тәртібі секілді мәселелер қозғалды.

ҚМДБ-ның Қарағанды облысы бойынша баспасөз қызметі