Қарағанды қалалық «Бала қажы» мешітінің ұстазы Фатима Аманболдықызының ұйымдастыруымен әйел-қыздар жамағатына  «Зул-хиджа айындағы нәпіл құлшылықтар» тақырыбында уағыз-насихат айтылып, қасиетті айдың ерекшелігі мен оның мұсылман өміріндегі орны кеңінен түсіндірілді. 

Ұстаз өз сөзінде Зул-хиджа айының алғашқы он күні – Алла Тағала ерекше қадірлеген берекелі уақыт екенін атап өтіп, бұл күндері жасалатын ізгі амалдардың сауабының мол болатынына тоқталды.

Сонымен қатар нәпіл намаз, ораза ұстау, Алланы көп зікір ету, садақа беру және жақсы амалдарды көбейтудің маңызы түсіндірілді. Қатысушыларға осы күндерді бос өткізбей, құлшылықпен, дұға-тілекпен және ізгі істермен өткізуге шақырды.

Кездесу барысында әйел-қыздар жамағаты тарапынан сұрақтар қойылып, дін мен күнделікті өмірге қатысты пайдалы насихаттар берілді.