Қарабас кенті мешітінің имамы Шарифулла Шадиев аймақтағы әскери бөлім сарбаздарымен кездесу өткізіп, қазіргі қоғамдағы жат ағымдардың салдары және одан сақтану жолдары туралы насихат айтты.

Кездесу барысында діни тұрақтылықтың маңызы, жат ағымдардың адам сенімі мен қоғам бірлігіне тигізетін кері әсері кеңінен түсіндірілді. Имам жастарды дұрыс діни білім алуға, дәстүрлі құндылықтарды ұстануға және ел бірлігін сақтауға шақырды.

Сондай-ақ сарбаздарға отансүйгіштік, тәртіп пен рухани беріктік – қоғам қауіпсіздігінің маңызды негізі екені атап өтілді. Жиын соңында қатысушылар өздерін толғандырған сұрақтарын қойып, пайдалы жауаптар алды.