Қарағанды облысы, Саран қалалық мешітінде Құрбан айтқа дайындық қарқынды жүргізілуде

Қасиетті Құрбан айт мерекесіне орай Қазақстан мұсылмандары діни басқармасы бекіткен жоспарға сәйкес Қарағанды облысына қарасты Саран қалалық мешітінде дайындық жұмыстары қарқынды түрде атқарылуда. Мешіт ұжымы мен еріктілер мерекені жоғары деңгейде ұйымдастыру мақсатында бірқатар маңызды шараларды қолға алған.

Атап айтқанда, мешіт ауласы мен ғимараты толық тазартылып, абаттандыру жұмыстары жүргізілуде. Сонымен қатар, айт намазына келетін жамағатқа қолайлы жағдай жасау үшін арнайы орындар дайындалып, қауіпсіздік пен тәртіп мәселелері де назарға алынған.