Абай ауданына қарасты Топар кентіндегі «Жұмабек Тәшен» мешітінде Құрбан айт мерекесіне дайындық жұмыстары жүргізілді.

Игі шара аясында мешіт ауласына ұлттық нақыштағы қазақы киіз үй тігіліп, мерекелік атмосфера қалыптастыру жұмыстары қолға алынды. Дайындық жұмыстарына мешіт имамы Мурсали Қаленұлы бастаған мешіт жамағаты белсене атсалысты.

Сонымен қатар, мешіт ауласын ретке келтіру, жамағатқа қолайлы жағдай жасау және мерекені жоғары деңгейде өткізу бағытындағы жұмыстар пысықталды.