Шет ауданы, Ақадыр кентіндегі «Иса молла» мешітінде ұстаз Әлия Рахманқызының ұйымдастыруымен «Құрбан айт – мейірім мен қамқорлық» атты рухани кеш өтті.

Шара барысында Құрбан айт мерекесінің мән-маңызы, оның қасиеті мен құрбан шалу тәртібі жан-жақты түсіндірілді. Сонымен қатар шәкірттерге тақырып аясында викториналық сұрақтар қойылып, белсенді қатысқан балаларға сыйлықтар таратылды.

Кеш соңында қатысушыларға арнап дастархан жайылып, тағылымды басқосу жылы атмосферада жалғасын тапты. Сондай-ақ Құранға жаңадан түскен шәкірттерге ерекше құрмет көрсетіліп, тәж кию рәсімі өткізілді.