Қарағанды қалалық «Хазірет Әли»  мешітінде қасиетті Құрбан айт мейрамының құрметіне жамағатқа арнап мерекелік палау таратылды.

Айт намазынан кейін мешіт ауласына жиналған қауымға арнайы дайындалған ас ұсынылып, жамағат бір-бірімен айттасып, ізгі тілектерін білдірді.

Мерекелік дастарқан барысында ауызбіршілік пен бауырмалдықтың маңызы насихатталып, жиналған көпшілікке ерекше құрмет көрсетілді. Жамағат ел амандығы мен жер тыныштығы үшін дұға жасап, айттың рухани берекесін бірге бөлісті.