Қарағанды қалалық «Бұқар жырау» мешітінде айт намазынан кейін мешіт ауласында жамағатқа арналған мерекелік іс-шаралар ұйымдастырылып, ұлттық рухты дәріптеген спорттық және дәстүрлі ойындар өткізілді.

Атап айтқанда, қой көтеру, арқан тарту және өзге де ұлттық ойындар бойынша тартысты сайыстар өтіп, қатысушылар өзара бақ сынасты. Жеңімпаздар арнайы сыйлықтармен және ынталандыру марапаттарымен марапатталды.

Сонымен қатар айт намазына жиналған жамағат үшін арнайы дастархан жайылып, ұлттық тағамдар ұсынылды. Қауым бір-бірімен айттасып, ізгі тілектерін білдіріп, мерекелік көңіл-күйде бас қосты.