Шет ауданына қарасты Ақжал кенті имамының ұйымдастыруымен қасиетті Құрбан айт мерекесі өз мәнінде аталып өтті.

Айт намазынан кейін жиналған жамағатпен бірге ұлттық рухты дәріптеген спорттық ойындар ұйымдастырылды. Атап айтқанда, қол күрес және арқан тарту сайыстары өткізіліп, қатысушылар өзара бақ сынасты. Жеңімпаздарға арнайы ақшалай сыйлықтар табысталып, ынталандыру көрсетілді.

Сонымен қатар, қайырымдылық шарасы аясында Құрбан айтта екі ірі қара және бес қой құрбандыққа шалынып, ет өнімдері аз қамтылған және мұқтаж отбасыларға таратылды.

Игі іске жиналған жамағат бірлік пен бауырмалдықтың жарқын үлгісін көрсетіп, ел амандығы мен тыныштығы үшін дұға жасады.

Құрбан айт мерекесі Ақжал кенті тұрғындары үшін береке мен қайырымдылыққа толы рухани күн ретінде есте қалды.