Ақтас кентіндегі Ерімбет Ата мешітінің ұстазы Әмина Алмасқызының ұйымдастыруымен шәкірттер Құрбан айт мерекесіне орай табиғат аясында рухани кездесу өткізді.

Игі шара барысында жастарға мерекенің мән-маңызы түсіндіріліп, бірлік пен бауырмалдықты арттыруға бағытталған тағылымды әңгімелер айтылды. Сондай-ақ шәкірттер пайдалы насихаттарды тыңдап, еркін форматта пікір алмасып, көтеріңкі көңіл-күйде уақыт өткізді.

Табиғат аясында өткен рухани кездесу жас буынға ерекше әсер қалдырып, айт мерекесінің мейірім мен ізгілікке үндейтін рухын сезіндіре түсті.