Қарағанды облысы Бұқар Жырау ауданына қарасты Ростовка ауылдық мешітінде қасиетті Құрбан айт мерекесі аталып өтті.

 Айт намазы оқылып, жамағатқа тағылымды уағыз-насихат айтылды. Ауыл әкімі Маратпекұлы Бағдат тұрғындарды қасиетті мерекемен құттықтап, ізгі тілегін жеткізді.

Сонымен қатар, ауыл имамы жамағатқа ақ дастархан жайып, ауыл ақсақалдары елдің амандығы мен бірлігі үшін ақ баталарын берді. Тұрғындар құрбандық шалып, сауапты іске өз үлестерін қосты.

Мереке соңында имамның ұйымдастыруымен бүлдіршіндерге балмұздақ таратылып, балаларға ерекше қуаныш сыйланды.