Қарағанды қалалық “Бала қажы” мешітінде Құрбан айт мерекесі кең көлемде аталып өтті. Айт намазымен басталған қасиетті мерекенің қуанышы мешіт жамағаты мен қала тұрғындарына ерекше рухани көңіл-күй сыйлады.

Мереке аясында халыққа тегін ас таратылып, жиналған жамағатқа дастарқан жайылды. Сонымен қатар ұлттық рухты дәріптеу мақсатында спорттың үш түрінен — кір көтеру, арқан тартыс және қол күресінен жарыстар ұйымдастырылды. Сайысқа қатысушылар белсенділік танытып, мерекенің сәнін арттырды.

Құрбан айттың екінші күнінде құрбандыққа шалынған ет мұқтаж отбасылар мен жамағатқа жеткізіліп, қайырымдылық шаралары жалғасуда. Бұл игі іс мұсылман қауымының бірлігі мен бауырмалдығын нығайтып, айт мерекесінің мән-маңызын айшықтай түсті.