Ақтоғай ауданына қарасты Қуаныш және Нүркен ауылдарында Құрбан айт намазы оқылып, жамағатпен бірге ұлық мейрам кең көлемде аталып өтті.

Намаздан кейін ауыл жамағаты ел мен жердің тыныштығы, береке-бірлігі үшін арнайы дұға жасап, Алладан амандық тіледі.

Мерекелік шара барысында ұлттық ойындардан сайыстар ұйымдастырылып, жамағат арасында арқан тарту, қол күрес және басқа да жарыстар өткізілді. Жеңімпаздарға сый-сияпаттар табысталып, айт мерекесінің рухы одан әрі асқақтады.