Қасиетті Құрбан айт мерекесіне орай Шахтинск қалалық «Нұр» мешітінде қайырымдылық шарасы ұйымдастырылып, 40 отбасыға құрбандық еті үлестірілді.

Аталған шара барысында мешітке алдын ала тіркелген әлеуметтік жағдайы төмен, көпбалалы және мұқтаж отбасыларға құрбандық еті жеткізілді. Қайырымдылық жұмысы мешіт қызметкерлері мен еріктілердің қатысуымен жүзеге асты.

Шахтинск қалалық «Нұр» мешіті ұжымы құрбандық шалып, игі іске үлес қосқан барша жамағатқа алғысын білдіреді. Алла Тағала жасаған құлшылықтарыңызды қабыл етіп, отбастарыңызға амандық пен береке нәсіп етсін.