Қасиетті Құрбан айт мерекесіне орай Ақтас кенті Ерімбет ата мешітінде құрбандық еті қызметкерлерге және әлеуметтік жағдайы төмен отбасыларға таратылды. 

Бұл игі шараның мақсаты – айт күндерінде қуаныш пен мейірімді бөлісіп, мұсылман бауырлар арасындағы ынтымақ пен жанашырлықты арттыру.

Құрбан шалған жамағаттың аманатына сай еттер арнайы тізім бойынша үлестіріліп, көптеген отбасыларға жеткізілді. Қайырымдылыққа үлес қосқан барша азаматтарға Алла Тағала разы болып, жасаған құрбандықтары мен ізгі амалдарын қабыл етсін.