Абай ауданына қарасты Құлайғыр ауылдық мешітінің ұйымдастыруымен Құрбан айт мерекесіне орай жамағат арасында футболдан жарыс өтті.

Спорттық шараның негізгі мақсаты – жастарды салауатты өмір салтын ұстануға баулу, оларды түрлі зиянды әдеттерден аулақ болуға тәрбиелеу және ауыл тұрғындары арасындағы ауызбіршілік пен достықты нығайту болды.

Жарыстың ашылуында ауыл имамы қатысушыларға ақ батасын беріп, мерекемен құттықтап, ізгі тілектерін жеткізді. Бұл өз кезегінде шараның рухани мәнін арттырып, қатысушыларға ерекше серпін сыйлады.

Аса тартысты әрі қызықты өткен дода барысында командалар жоғары дайындық деңгейін көрсетіп, жанкүйерлерге тартысқа толы ойын сыйлады. Нәтижесінде «Қайсар» командасы үздік өнер көрсетіп, жарыстың жеңімпазы атанды.

Шара соңында жеңімпаздар мен жүлдегерлерге ақшалай сыйақылар табысталып, ұйымдастырушылар тарапынан алғыс айтылды.