1 маусым – Халықаралық балаларды қорғау күніне орай Шахтинск қалалық «Нұр» мешітінде балаларға арналған мерекелік шара ұйымдастырылды.

Игі шара Шахтинск қалалық «Нұр» мешітінің имамы Әбілхайыр Кәсенұлының бастамасымен өткізіліп, бүлдіршіндерге көтеріңкі көңіл-күй сыйлауға бағытталды. Мереке аясында 25 балаға балмұздақ таратылып, арнайы сый-құрмет көрсетілді.

Балалардың қуанышына ортақ болған мешіт жамағаты жас ұрпаққа ізгі тілектерін білдіріп, олардың аман-есен өсіп, елдің игілікті азаматтары болуына дұға жасады.

Мұндай шаралар балаларға қуаныш сыйлап қана қоймай, қоғамда мейірімділік пен қамқорлық құндылықтарының нығаюына да өз үлесін қосады.