Қарағанды қалалық “Бала қажы” мешітінің имамы Нуров Махмуд қажы Нұрұлының ұйымдастыруымен мешіт қызметкерлері Мәшһүр Жүсіп бабамыздың кесенесі мен Қоңыр әулие үңгіріне зиярат жасады.

Зиярат барысында қатысушылар халқымыздың рухани мұрасымен танысып, бабалар рухына Құран бағыштап, елдің амандығы мен бірлігі үшін дұға жасады.

Шараның мақсаты – ұлттық және рухани құндылықтарды дәріптеу, тарихи тұлғалардың өнегелі өмірін насихаттау және тарихи-мәдени мұраға деген құрметті арттыру.