Қарағанды қалалық «Хазірет Али» мешітінің имамы Ербол Мұқанұлының ұйымдастыруымен балалар үйінде қайырымдылық шарасы өтті.

Іс-шараның басты мақсаты – бүлдіршіндерге қуаныш сыйлап, оларға қамқорлық көрсету. Шара барысында балаларға тәттілер мен ойыншықтар тарту етіліп, көтеріңкі көңіл-күй сыйланды. Сонымен қатар, бүлдіршіндермен еркін әңгімелесіп, олардың қуанышына ортақ болды.

Осындай игі бастамалар қоғамдағы қайырымдылық пен жанашырлық құндылықтарын насихаттап, балаларға ерекше көңіл бөлудің маңызын арттыра түседі. Балалар да өз кезегінде ұйымдастырушыларға алғыстарын білдіріп, көтеріңкі көңіл-күймен тарқасты.