Қарағанды қалалық «Әл Машани» мешітінің наиб имамы Әсет Наурызбайұлы Сарыарқа телеарнасындағы «Прошу слова» ток-шоу бағдарламасына қатысып, «Казахстанская идентичность: что нас объединяет?» тақырыбында өз пікірін білдірді.

Бағдарлама барысында қоғамдағы бірлік пен келісім, ұлттық құндылықтар, азаматтық жауапкершілік және қазақстандық бірегейліктің маңызы жан-жақты талқыланды. Сондай-ақ көпұлтты еліміздегі татулық пен өзара сыйластықтың қоғам тұрақтылығын нығайтудағы рөлі сөз болды.

Әсет Наурызбайұлы өз сөзінде халқымыздың рухани мұрасы, салт-дәстүрі мен мәдени құндылықтары ел бірлігін бекемдейтін негізгі факторлардың бірі екенін атап өтті. Сонымен қатар жастар тәрбиесі, отансүйгіштік қасиетті қалыптастыру және ұлттық құндылықтарды дәріптеудің маңыздылығына тоқталды.

Ток-шоу барысында қатысушылар Қазақстан халқын біріктіретін ортақ құндылықтар төңірегінде ой бөлісіп, қоғамдағы өзекті мәселелерге қатысты пікір алмасты. Бағдарлама көрермендерге ел бірлігін нығайту мен қоғамдық келісімді сақтау бағытында маңызды ой салды.