Абай аудандық орталық мешітінде жас жеткіншектер арасында ұлттық ойын – асық атудан сайыс ұйымдастырылды.

Шараның мақсаты – өскелең ұрпақты ұлттық құндылықтарға баулу, ата-баба мұрасын дәріптеу және балалардың бос уақытын тиімді өткізуге ықпал ету.

Сайыс барысында қатысушылар мергендіктерін сынап, асық ойынының қыр-сырын көрсетті. Жарыс соңында жеңімпаздар марапатталып, барлық қатысушыларға алғыс білдірілді.

Ұлттық ойындарды насихаттау – жас буынның рухани тәрбиесіне оң әсер етіп, халқымыздың салт-дәстүрін жаңғыртуға жол ашады.