Бұқар Жырау аудандық «Жыржыс қажы» мешітінде  қазіргі қоғамда белең алып отырған жат ағымдардың зияны туралы тағылымды насихат айтылды.

Мешіт имамы Ерлан Мамайұлы уағыз барысында жат ағымдардың діни және қоғамдық қауіп-қатеріне тоқталып, олардың жастардың дүниетанымы мен отбасы құндылықтарына тигізетін кері әсерін жан-жақты түсіндірді.

Сонымен қатар дәстүрлі ислам құндылықтарын ұстанудың, Қазақстан мұсылмандары діни басқармасы бекіткен Ханафи мәзһабы мен Матуриди сенім мектебінің жолын берік ұстанудың маңыздылығы айтылды. Имам діни білімді тек сенімді ұстаздардан алып, ресми діни әдебиеттер мен ҚМДБ ұсынған ақпарат көздеріне жүгінуге шақырды.