Қарағанды қалалық «Қазыбек би» мешітінде Қазақстан мұсылмандары діни басқармасының төл басылымдары  IMAN журналы мен MUNARA газеті жамағатқа кеңінен насихатталды.

Мешіт имамы Асылхан Нұртайұлы аталған басылымдардың рухани-ағартушылық бағыттағы маңызына тоқталып, олардың дәстүрлі ислам құндылықтарын насихаттауда, діни сауатты арттыруда және қоғамдағы өзекті мәселелерге шариғат тұрғысынан жауап беруде ерекше рөл атқаратынын атап өтті.

Сонымен қатар жамағатты ҚМДБ-ның ресми басылымдарын тұрақты оқуға шақырып, діни білімді тек сенімді әрі ресми ақпарат көздерінен алудың маңыздылығын түсіндірді. Басылымдарда жарияланатын мақалалар мен сұхбаттар, пәтуалар, тарихи-танымдық және тәрбиелік материалдардың әрбір мұсылман үшін пайдалы екеніне назар аударды.

Шара соңында жамағатқа IMAN журналы мен MUNARA газетінің жаңа сандары таныстырылып, оларды оқуға және рухани танымын арттыруға шақырылды.