Қарағанды қалалық «Қазыбек би» мешітінде жамағатқа арналған кезекті рухани дәріс ұйымдастырылды. Басқосу барысында мешіт имамы Асылхан Нұртайұлы «Бабалар ізімен: Қазақ даласындағы мұсылмандық мектеп» кітабы негізінде тағылымды насихат айтты.

Дәріс барысында қазақ жеріндегі исламның даму тарихы, халқымыздың дәстүрлі діни ұстанымы, ата-бабаларымыздың рухани мұрасы және ислам құндылықтарының қоғамдағы орны кеңінен түсіндірілді. Сондай-ақ дәстүрлі діни танымды сақтау, ұлттық құндылықтарды дәріптеу және жат ағымдардың алдын алудың маңыздылығы жөнінде сөз қозғалды.

Жамағат дәрістен мол рухани әсер алып, өздерін толғандырған сұрақтарына жауап алды.