Ақтас кентіндегі «Ерімбет ата» мешітінің имамы Азамат Сайлауұлы «Жаңа FM» радиосының эфиріне қатысып, «Дін және дәстүр» тақырыбында насихат айтты.

Эфир барысында қазақ халқының ғасырлар бойы қалыптасқан діни-рухани құндылықтары, дәстүрлі исламның ерекшеліктері және дін мен салт-дәстүрдің өзара сабақтастығы жан-жақты сөз болды. Сондай-ақ ұлттық тәрбиенің маңызы, отбасы құндылықтарын сақтау, жастардың діни сауатын арттыру және қоғамдағы рухани тұрақтылықты нығайту мәселелері кеңінен түсіндірілді.

Имам халқымыздың ата-бабадан мирас болған ізгі дәстүрлерін дәріптеп, дәстүрлі ислам құндылықтарын ұстанудың маңыздылығына тоқталды. Сонымен қатар тыңдармандарды бірлікке, татулыққа, имандылыққа және ұлттық құндылықтарды құрметтеуге шақырды.