Қарағанды облысы, Шет ауданына қарасты Ағадыр кентіндегі «Иса молла» мешітінде әйелдер жамағатына арналған діни интеллектуалды сайыс ұйымдастырылды.

Шараның басты мақсаты – жамағаттың діни білімін жетілдіріп, ислам негіздерін тереңірек меңгеруге ынталандыру, сондай-ақ білім арқылы өзара ынтымақ пен бірлікті нығайту.

Сайыс барысында қатысушыларға ардақты Пайғамбарымыз Мұхаммедтің (оған Алланың салауаты мен сәлемі болсын) өмірбаяны, сира ілімі және фиқһ пәні бойынша түрлі деңгейдегі сұрақтар қойылды. Әйелдер жамағаты екі топқа бөлініп, берілген тапсырмаларға белсенді түрде жауап беріп, өздерінің діни сауаттарын көрсетті.

Интеллектуалды сайыс тартысты әрі қызықты өтіп, қатысушылардың білімге деген құлшынысын арттырды. Шара соңында ұйымдастырушылар барлық қатысушыларға алғыс білдіріп, осындай тағылымды кездесулердің алдағы уақытта да жалғасын табатынын атап өтті.