Саран қалалық мешітінде жамағатқа арналған «Жат ағымдардың зияны және олардың қоғамға тигізетін теріс ықпалы» тақырыбында насихат айтылды.

Кездесу барысында ислам дінінің негізгі ұстанымдары – бірлік, бейбітшілік, мейірімділік және сабырлылық екені кеңінен түсіндірілді. Сондай-ақ дәстүрлі дін мен жат ағымдардың арасындағы айырмашылықтар айтылып, радикалды идеологиялардың қоғам тұрақтылығына, отбасы құндылықтарына және жастар тәрбиесіне кері әсері жөнінде жан-жақты мәлімет берілді.

Насихат барысында жат ағым өкілдерінің дінді бұрмалап түсіндіру арқылы адамдарды өз қатарына тартуға тырысатыны, мұндай әрекеттердің қоғам арасында алауыздық туғызып, ұлттық салт-дәстүр мен рухани құндылықтарға қауіп төндіретіні атап өтілді. Қатысушыларға діни ақпаратты тек сенімді әрі ресми дереккөздерден алу, күмәнді уағызшылар мен интернеттегі белгісіз ақпараттарға сын көзбен қарау қажеттігі ескертілді.