Теміртау қалалық мешітінің ұйымдастыруымен «Дархан дала» жобасы аясында жастар мен шәкірттердің қатысуымен табиғат аясында тағылымды кездесу өтті.

Шараның негізгі мақсаты – жастардың бос уақытын тиімді ұйымдастыру, салауатты өмір салтын насихаттау, бауырмалдық пен ауызбіршілікті нығайту, сондай-ақ ұлттық және рухани құндылықтарды дәріптеу.

Табиғат аясында өткен кездесуде түрлі спорттық жарыстар ұйымдастырылып, қатысушылар командалық ойындарда бақ сынады. Спорттық сайыстар жастардың белсенділігін арттырып, өзара достық қарым-қатынасын нығайтуға ықпал етті.

Шара барысында мешіт ұстаздары жастарға имандылық, ізгі мінез, бірлік пен жауапкершілік жайында тағылымды насихат айтып, бос уақытты пайдалы істерге арнаудың маңызын түсіндірді.