Бұқар Жырау аудандық «Жыржыс қажы» мешітінің жанынан мәйітхана бой көтеріп, Қазақстан мұсылмандары діни басқармасының жанындағы «Қамқор-Шарапат» салттық қызмет көрсету орталығы өз жұмысын бастады.

Жаңа нысан марқұмды соңғы сапарға шығарып салу рәсімдерін діни талаптарға сай ұйымдастыруға, сондай-ақ тұрғындарға сапалы әрі жүйелі қызмет көрсетуге мүмкіндік береді.

«Қамқор-Шарапат» орталығының басты мақсаты – жаназа және жерлеу рәсімдерін біріздендіріп, шариғат талаптары мен ұлттық дәстүрге сай өткізу мәдениетін қалыптастыру. Бұл игі бастама аудан тұрғындарына қолайлы жағдай жасап, діни қызметтің сапасын арттыруға өз үлесін қоспақ.