Осакаровка ауданында «Дархан дала» жобасы аясында аудан жастары қазақтың көрнекті қоғам қайраткері Мұса Шорманның бейітіне зиярат жасады.

Зиярат барысында жастар Құран оқып, марқұмның рухына дұға бағыштады. Сонымен қатар Мұса Шорманның өмір жолы, ел игілігі жолындағы еңбегі және ұлт тарихындағы орны жайында тағылымды әңгіме өрбіді.

Шараның мақсаты – жастардың тарихи танымын кеңейту, туған өлкенің киелі орындарын таныстыру, ұлттық және рухани құндылықтарды дәріптеу.

Осындай тағылымды сапарлар жас ұрпақтың туған жер тарихына деген құрметін арттырып, ата-баба мұрасын қастерлеуге, елдік құндылықтарды бағалауға және рухани тәрбиесін нығайтуға ықпал етеді.