Осакаровка аудандық мешітінің ұстазы Ақбота Қайратқызының ұйымдастыруымен салауатты өмір салтын насихаттау мақсатында қыз-келіншектер арасында «Quzdar time» атты спорттық және ұлттық ойындардан сайыс ұйымдастырылды.

Шараның негізгі мақсаты – қатысушыларды салауатты өмір салтын ұстануға ынталандыру, спортқа деген қызығушылықты арттыру, ұлттық ойындарды дәріптеу және қыз-келіншектер арасында достық қарым-қатынасты нығайту.

Сайыс барысында қатысушылар түрлі спорттық жарыстар мен ұлттық ойындарға қатысып, өздерінің ептілігі мен шапшаңдығын, ұйымшылдығы мен белсенділігін көрсетті. Ұлттық ойындар арқылы халқымыздың салт-дәстүрі мен мәдени құндылықтарын насихаттауға да ерекше мән берілді.

Қатысушылар сайыс барысында жоғары белсенділік танытып, әр кезеңде ұйымшылдықпен өнер көрсетті. Спорттық бәсеке көтеріңкі көңіл-күйде өтіп, қатысушыларға жақсы әсер қалдырды.

Шара соңында белсенді қатысушылар атап өтіліп, жеңімпаздарға арнайы сыйлықтар табысталды.

Осындай игі шаралар қыз-келіншектердің бос уақытын тиімді өткізуіне, денсаулықты нығайтуына және ұлттық құндылықтарды дәріптеуге бағытталған.