Саран қалалық мешітінде ұстаз Әмина Алмасқызының ұйымдастыруымен Мәуліт кеші өтті.

Рухани кеш барысында мешіт шәкірттері ақ дастархан жайып, келген қонақтар мен жамағатқа ізгі ниеттерін білдірді.

Кешке арнайы қонақ ретінде Абай мешітінің ұстазы Көкебай Нуриза қатысып, тағылымды уағыз-насихат айтып, жүрекке жылу сыйлайтын өнегелі әңгімелерімен бөлісті.

Мәуліт кешінде Пайғамбарымыз Мұхаммед ﷺ-ның өмірі мен көркем мінезі, адамзатқа қалдырған өнегесі еске алынып, мәуліт оқылды. Шәкірттер мен жамағат арасында рухани тағылымға толы әсерлі жүздесу өтті.

Кеш соңында барша жамағаттың амандығы мен елдің тыныштығы үшін дұға жасалып, ізгі тілектер айтылды.