Абай аудандық мешітінің ұстазы Көкебай Нуризаттың ұйымдастыруымен қасиетті Мәуліт айының құрметіне орай рухани кеш ұйымдастырылды.

Кездесу барысында Мәуліт айының мәні мен маңызы кеңінен түсіндіріліп, Пайғамбарымыз Мұхаммед ﷺ-ның өнегелі өмірі мен көркем мінезі жайында тағылымды әңгімелер айтылды.

Рухани басқосуда әйел жамағатына арнайы дастархан жайылып, қатысушылар өзара пікір алмасып, жылы жүздесудің куәсі болды. Жиын барысында бауырмалдық пен бірлік, имандылық пен ізгілік құндылықтары дәріптелді.

Мұндай рухани кездесулер жамағат арасындағы ауызбіршілікті нығайтып, қасиетті Мәуліт айының тағылымын терең түсінуге мүмкіндік береді.

Іс-шараға атсалысқан барша жамағатқа алғыс білдіріп, игі бастамалардың берекелі болуына тілектестік білдіреміз.