Қарағанды қалалық «Төлеутай ата» мешітінде мешіт жамағаты мен жастарға «Жат ағымның зардабы» тақырыбында түсіндіру жұмыстары жүргізілді.

Кездесудің негізгі мақсаты – жастарға діни сауаттылықтың маңызын түсіндіру, қоғамға кері әсерін тигізетін жат діни ағымдардың идеологиясынан сақтандыру және дәстүрлі ислам құндылықтарын насихаттау.

Шара барысында жат ағымдардың қоғамға төндіретін қаупі, олардың жастардың санасына әсер ету жолдары және теріс идеологияның отбасы мен қоғамдық тұрақтылыққа тигізетін зардабы жөнінде айтылды.

Сонымен қатар жастарға діни ақпаратты әлеуметтік желілерден кез келген дереккөзден қабылдамай, дін мәселесінде білікті мамандар мен мешіт имамдарына жүгінудің маңыздылығы түсіндірілді.