Қарағанды қалалық «Әл-Машани» мешітінде жамағатқа «Ас беру мәдениеті» құжаты таныстырылып, құдайы ас беруде ысырапшылдыққа жол бермеу жөнінде насихат айтылды.

Кездесу барысында ас беру рәсімінің діни мәні мен тәрбиелік маңызы түсіндіріліп, дастарқан жаюда қарапайымдылықты сақтау, шамадан тыс шығынға жол бермеу және асты бәсекеге айналдырмау мәселелері қозғалды.

Сондай-ақ құдайы астың негізгі мақсаты – марқұмға Құран бағыштап, дұға жасау және жақын-жуықтың басын біріктіру екені айтылды. Жамағатты ас беру дәстүрін шариғат талаптары мен ұлттық құндылықтарға сай ұстануға шақырды.