Қарағанды қалалық «Ар-Рахман» мешітінде ас беру мәдениетін қалыптастыру және «Құдайы ас – жарыс емес, сауап» тақырыбында уағыз-насихат жұмысы жүргізілді.

Насихат барысында құдайы ас берудің мәні мен маңызы, марқұмдарға дұға бағыштау әдебі және ас беру кезінде ысырапшылдыққа жол бермеу мәселелері түсіндірілді. Сонымен қатар, әр отбасының өз мүмкіндігіне қарай әрекет етіп, даңғазалық пен орынсыз бәсекеден аулақ болуы қажеттігі айтылды.

Құдайы ас – марқұмдарды еске алып, дұға бағыштауға, ағайын-туыстың басын қосып, бірлік пен бауырмалдықты нығайтуға арналған игі дәстүр. Оның негізгі мақсаты – өзгелермен жарысу емес, Алланың разылығын көздеп, сауапты амал жасау.

Уағыз барысында ұлттық дәстүрдің мәнін сақтап, ас беруде қарапайымдылық пен шынайылықты ұстанудың маңыздылығы атап өтілді.