Қарқаралы аудандық «Құнанбай қажы» мешітінің имамы Митератбек Орынбекұлы жамағатқа уақып қорының маңыздылығы туралы насихат айтты.

Насихат барысында имам уақыптың ислам дініндегі орнына тоқталып, оның мешіттердің қызметін дамытуға, діни-ағартушылық жұмыстарды қолдауға және қайырымдылық істерді жүзеге асыруға қосатын үлесін түсіндірді.

Сонымен қатар, уақыптың қоғам игілігіне бағытталған сауапты іс екенін атап өтіп, жамағатты қайырымдылық жасауға, игі істерге үлес қосуға және ұрпаққа пайдалы мұра қалдыруға шақырды.