Төле би мешітінің наиб имамы Қуаныш Есмағанбетов «Жат ағым жарға жығады» тақырыбында жамағатқа тағылымды насихат айтты.

Насихат барысында жат ағымдардың қоғамға, отбасы құндылықтарына және жастардың рухани тәрбиесіне тигізетін кері әсері сөз болды. Сонымен қатар діннің мәнін дұрыс түсіну, діни сауаттылықты арттыру және кез келген діни ақпаратты саралап қабылдаудың маңыздылығы түсіндірілді.

Тағылымды насихаттың негізгі мақсаты – жамағаттың діни сауаттылығын арттыру, жат ағымдардың алдын алу және қоғамда рухани тұрақтылық пен татулықты нығайту.