25 қазан – Республика күніне орай Қарағанды қалалық «Бала қажы» мешітінде жас шәкірттерге ұлттық құндылықтардың маңызы туралы насихат айтылды.

Мешіт ұстазы Фархад Нұрланұлы өскелең ұрпаққа отансүйгіштік, үлкенге құрмет, кішіге ізет көрсету, ата-ананы қадірлеу және салт-дәстүрді сақтау жөнінде түсіндірді. Сондай-ақ ұлттық тәрбие мен рухани құндылықтардың жас ұрпақтың тұлға болып қалыптасуындағы орнына ерекше тоқталды.

Насихат барысында елін сүю, туған жерін құрметтеу және ұлттық мұраны дәріптеу әрбір азаматтың парызы екені айтылды.